چیٹ جی پی ٹی کی خالق کمپنی نے ایک نیا روبوٹ تیار کیا ہے جو آپ کو حیران کر دے گا۔
وپن اے آئی نے چیٹ جی پی ٹی جیسے آرٹی فیشل انٹیلی جنس (اے آئی) ٹیکنالوجی کا استعمال کرتے ہوئے ایک نیا روبوٹ تیار کیا ہے، جس نے نئی ایجاد کی ہے جو دنگ کر دے گی۔
اس کمپنی نے انسان نما روبوٹ تیار کیا ہے جو حیران کر دینے والا ہے اور ٹیسلا کی کمپنی کے تیار کردہ آپٹیمس روبوٹ سے بہتر نظر آتا ہے۔
فگر نامی کمپنی کی مدد سے اوپن اے آئی نے اس روبوٹ کو تیار کیا ہے۔ اس روبوٹ کا نام فگر 1 ہے اور اس کی ایک ویڈیو جاری کی گئی ہے جس میں اس کو بات کرتے ہوئے دکھایا گیا ہے۔
یہ روبوٹ نئے ویژول لینگوئج ماڈل پر کام کرتا ہے اور اس نئے سسٹم نے اسے کسی سائنس فکشن فلمی روبوٹ جیسا حقیقی بنا دیا ہے۔
اس ویڈیو میں روبوٹ کو ایک میز کے پیچھے دکھایا گیا ہے اور اس کے سامنے میز پر ایک پلیٹ، ایک سیب اور ایک کپ رکھا ہے۔
روبوٹ کے سامنے کھڑے فرد کی جانب سے پوچھا جاتا ہے کہ فگر 1 تم اس وقت کیا دیکھ رہے ہو، جس کے چند سیکنڈ بعد وہ روبوٹ حیران کن حد تک انسانوں جیسی آواز میں میز پر موجود چیزوں اور اپنے سامنے کھڑے شخص کی تفصیلات بتاتا ہے۔
جب اس شخص سے روبوٹ سے کہا جاتا ہے کہ اسے کچھ کھانے کو دو، تو فگر 1 کی جانب سے سیب اٹھا کر دیا جاتا ہے۔
اس کے بعد وہ شخص روبوٹ کے سامنے کچرا ڈالتے ہوئے کہا ہے کہ کیا تم کچرا اٹھاتے ہوئے وضاحت کر سکتے ہو کہ سیب اٹھا کر کیوں دیا۔
اس پر روبوٹ کاغذ کچرا دان میں ڈالتے ہوئے وضاحت کرتا ہے کہ میز پر سیب واحد کھانے والی چیز تھی۔
فگر 1 کو اوپن اے آئی کے اسپیچ ٹو اسپیچ ملٹی ماڈل سے تربیت دی گئی ہے تاکہ وہ تصاویر اور تحریر کو سمجھ سکے اور اس کے مطابق بات چیت کر سکے۔
کمپنی کے مطابق روبوٹ منطقی دلائل دینے، چیزوں کو یاد رکھنے اور اپنی بات کی وضاحت کرنے کی صلاحیت بھی رکھتا ہے۔ روبوٹ میں نصب کیمرے اس کے لارج ویژول لینگوئج ماڈل کو ڈیٹا فراہم کرتے ہیں جبکہ اسی ماڈل سے روبوٹ کو رویے سیکھنے میں بھی مدد ملتی ہے۔
پاکستانی بھینس "مستانی” نے دودھ دینے کا ایک نیا عالمی ریکارڈ قائم کر دیا
