فلسطینیوں کو غزہ میں امداد کے انتظار میں دوبارہ بمباری کی گئی، اور اس حملے میں مزید 80 فلسطینی شہید ہوئے
سرائیلی فوج نے غزہ میں امداد کے منتظر فلسطینیوں پر ایک بار پھر بمباری کیساتھ جبالیہ پناہ گزین کیمپ، رفح اور خان یونس میں بھی بم برسائے گئے۔ صیہونی بربریت سے مزید 80 سے زائد فلسطینی شہید ہوئے، جبکہ سینکڑوں زخمی ہوگئے۔
اسرائیلی فوج نے دعویٰ کیا کہ جنوبی غزہ میں اقوام متحدہ کے خوراک کی تقسیم کے مرکز پر فضائی حملے میں حماس کے اہم کمانڈر محمد ابوحسنہ کو قتل کردیا گیا ہے، جبکہ فلسطینی حکام کا کہنا ہے کہ اس حملے میں اقوام متحدہ کے ایک کارکن سمیت مزید چار افراد ہلاک ہوئے ہیں۔
غزہ کے محکمہ صحت کے حکام کی جانب سے حملے میں جاں بحق ہونے والے افراد کی فراہم فہرست میں شامل پانچ افراد میں محمد عبدالحلیم ابو حسنہ کا نام شامل ہے اور 22 دیگر زخمی ہوئے ہیں۔
اقوام متحدہ کے ذیلی ادارے انروا کے سربراہ فلپ لازارینی نے کہا کہ غزہ کی پٹی میں انروا کے چند باقی ماندہ ڈسٹری بیوشن سینٹرز میں سے ایک پر حالیہ حملہ ایسے وقت میں ہوا ہے جب خوراک کی فراہمی ختم ہو رہی تھی اور بھوک پھیلی ہوئی تھی
