پشاور بورڈ بازار میں بارودی مواد کی منتقلی کے دوران ایک دھماکہ واقع ہوا، جس میں دو افراد جاں بحق ہوگئے۔

پشاور کے علاقے بورڈ بازار میں دھماکے کے نتیجے میں دو افراد جاں بحق ہوگئے اور ایک شخص زخمی ہوگیا۔ پولیس کے مطابق، زخمی اور لاشوں کو اسپتال منتقل کردیا گیا ہے، جبکہ زخمی شخص کی حالت بھی تشویشناک بتائی جارہی ہے۔ پولیس کی بھاری نفری جائے وقوعہ کی طرف روانہ کردی گئی ہے۔

ایس ایس پی آپریشنز کاشف آفتاب عباسی نے میڈیا سے گفتگو کرتے ہوئے بتایا کہ دھماکے میں 4 سے 5 کلو بارودی مواد استعمال ہوا، بم ڈسپوزل یونٹ رپورٹ کے مطابق دھماکا خودکش نہیں تھا، بلکہ بارودی مواد کی منتقلی کے دوران دھماکا ہوا۔

کاشف آفتاب بتایا کہ بارودی مواد منتقل کرنے والے دو افراد ہلاک ہوگئے اور ایک زخمی ہوا۔

دوسری جانب، وزیر اعلیٰ خیبر پختونخوا علی امین خان گنڈاپور نے بورڈ بازار دھماکے کی مذمت کی ہے۔ وزیر اعلیٰ نے انسپیکٹر جنرل پولیس سے دھماکے کی رپورٹ طلب کر لی۔

حیدرآباد میں ایک بیش عجیب الخلقت بچے کی پیدائش ہوئی ہے، جس کے چار ٹانگے اور دو ہاتھ ہیں۔