خیبر پختونخوا میں بیوٹی پارلرز اور شادی ہالز پر فکسڈ ٹیکس لگانے کا فیصلہ
خیبر پختونخوا کی حکومت نے آئندہ مالی سال سے صوبے میں شادی ہالز اور بیوٹی پارلرز پر فکسڈ ٹیکس لگانے کا فیصلہ کرلیا۔
خیبر پختونخوا حکومت نے ہالز اور بیوٹی پارلرز کو ان کے سائز اور کاروبار کے حجم کے مطابق مختلف کیٹیگریز میں تقسیم کیا ہے، جن پر سیلز ٹیکس آن سروسز کے مختلف فکسڈ ریٹس لاگو کیے جائیں گے، اور مالکان اپنا ماہانہ ٹیکس کیپرا کے پاس جمع کرائیں گے۔
گوگل کے ملازمین کا اسرائیلی حکومت کے ساتھ معاہدے پر احتجاج
مشیر خزانہ نے بیان کیا کہ صوبے کے سیلز ٹیکس آن سروسز کے لیے ریسٹورینٹس، ہوٹلوں پر کریڈٹ کارڈ سے ادائیگی کرنے والوں کو 15 فیصد کی بجائے 13 فیصد ٹیکس میں لایا جائے گا۔
خیبر پختونخوا ریونیو اتھارٹی کی ڈائریکٹر جنرل فوزیہ اقبال نے وزیراعلیٰ کے مشیر برائے محکمہ خزانہ مزمل اسلم کے ساتھ ملاقات کی، اور ان کو کیپرا کے حوالے سے تفصیلی بریفنگ دی۔
فیصلہ کیا گیا ہے کہ شادی ہالز اور بیوٹی پارلرز مالکان کو سیلز ٹیکس آن سروسز کے فکس ریٹس اور پرسنٹیج ریٹس میں کسی ایک کو منتخب کرنے کا اختیار دیا جائے گا، جس کے بعد وہ اپنے منتخب کردہ نظام کے مطابق اپنا ماہانہ ٹیکس کیپرا کے ساتھ جمع کرائیں گے۔
مزمل اسلم نے بتایا کہ ان اقدامات کا مقصد صوبائی حکومت، ٹیکس دہندگان اور تاجر برادری میں اعتماد پیدا کرنا ہے، اور تمام فیصلوں پر تاجر تنظیموں و چیمبر آف کامرس کے نمائندوں کی مشاورت کے بعد ہی عمل درآمد کیا جائے گا۔
