کراچی میں کچرا کنڈی سے سینکڑوں آنسو گیس کے شیل نکلے

کراچی کے علاقے کیماڑی میں کراچی پورٹ ٹرسٹ (کے پی ٹی) کے پلاٹ پر کچرا کنڈی سے سینکڑوں آنسو گیس کے شیل برآمد ہوئے۔

کیماڑی پولیس کے مطابق، کسی نے کچرا کنڈی میں آگ لگا دی جس سے شیل جل گئے، تاہم کوئی شخص بیہوش نہیں ہوا۔

انہوں نے بتایا کہ برآمد شدہ آنسو گیس کے شیل کافی پرانے ہیں، اور 40 سے زائد آنسو گیس کے شیل ملے ہیں۔

کیماڑی میں کے پی ٹی سے گراؤنڈ کی کچرا کنڈی سے ملنے والے آنسو گیس کے شیل جیکسن تھانے منتقل کر دیے گئے ہیں، اور معاملے سے متعلق مزید تحقیقات جاری ہیں۔

دوسری جانب، رکن سندھ اسمبلی محمد آصف خان نے دعویٰ کیا کہ کراچی کے علاقے کیماڑی میں کے پی ٹی پلاٹ اور کچرا کنڈی سے ملنے والے سینکڑوں آنسو گیس کے شیل شدت پسند عناصر نے پھینک کر فرار ہوگئے ہیں۔

انہوں نے دعویٰ کیا کہ کچرا کنڈی میں آگ لگنے کی وجہ سے آنسو گیس کے شیل جل گئے، جس سے متعدد شہری متاثرہ ہوئے اور کچھ لوگ بیہوش ہوگئے۔

لاہور میں نشہ آور جوس پلا کر گردے نکال کر فروخت کرنیوالے گینگ کے کارندے کو گرفتار کیا گیا