لاہور میں نشہ آور جوس پلا کر گردے نکال کر فروخت کرنیوالے گینگ کے کارندے کو گرفتار کیا گیا
گلشن اقبال پولیس نے لاہور میں انسانی گردے فروخت کرنے والے گینگ کا ایک کارندہ گرفتار کر لیا۔
سپرنٹنڈنٹ آف پولیس اقبال ٹاؤن، اخلاق اللہ تارڑ، نے ایک پریس کانفرنس کے دوران بتایا کہ گرفتار ملزم ندیم نے اپنے شریک شعیب کے ساتھ مل کر محنت کش سلیم کو گھر میں پینٹ کرنے کا بہانہ بنایا۔
انہوں نے مزید بتایا کہ ملزمان نے سلیم کو گاڑی میں بٹھا کر نشہ آور جوس پلایا اور اسلام آباد لے گئے، جہاں ظفر نامی ایک ڈاکٹر گردے نکال کر ملزمان سے رقم وصول کرتا تھا۔
اس افسوسناک عمل کے باعث، پولیس اخلاق اللہ کے مطابق ملزمان مختلف علاقوں سے غریب اور نادار لوگوں کو پیسوں کی لالچ دے کر گردے نکالواتے تھے۔
اُن کا کہنا تھا کہ ملزمان ایک گردے کے عوض ساڑھے چار لاکھ روپے کا کہہ کر متاثرہ شخص کو پچاس ساٹھ ہزار روپے دیتے تھے۔
