پاکستانی ٹیم ڈیف ٹی 20 ورلڈ کپ 2024 کی جیتنے والی ٹیم بن گئی اور وطن میں واپس آگئی
پاکستان کی ڈیف ٹیم نے شارجہ میں منعقدہ ڈیف ٹی ٹوئنٹی ورلڈ کپ 2024 جیت کر بدھ اور جمعرات کی درمیانی رات وطن واپس پہنچ گئی۔ وطن واپسی پر علامہ اقبال انٹرنیشنل ایئرپورٹ پر پی سی بی حکام، کھلاڑیوں کے رشتے داروں اور شائقین نے ان کا استقبال کیا۔
کپتان ذکا احمد قریشی نے میڈیا سے گفتگو کرتے ہوئے بتایا کہ ہمیں خواہش تھی کہ فائنل میں بھارت کے ساتھ مقابلہ ہوتا، لیکن سیمی فائنل میں سری لنکا نے بھارت کو شکست دی جس کی وجہ سے ہمیں سری لنکا کے ساتھ فائنل کھیلنا پڑا۔ ان کا کہنا تھا کہ جیتنے پر انعامات ملنے چاہئیں۔
ہیڈ کوچ عمر فیاض نے بتایا کہ ورلڈ کپ کے لیے پوری منیجمنٹ نے بہت کام کیا اور ٹیم نے بہت اچھا پرفارم کیا۔ ان کا کہنا تھا کہ پی سی بی کی بہت سپورٹ ہے اور کھلاڑیوں کو سینٹرل کانٹریکٹ بھی ملتے ہیں۔
