مسعود پیزشکیان ایران کے نئے صدر منتخب
مسعود پیزشکیان ایران کے نئے صدر منتخب ہو گئے۔
ایرانی میڈیا کے مطابق ایران الیکشن کمیشن نے ’رن آف‘ الیکشن کے نتائج کا اعلان کر دیا، اصلاح پسند مسعود پیزشکیان نے 20 لاکھ ووٹ سے سخت گیر قدامت پسند حریف سعید جلیلی کو شکست دے دی۔
محرم کا چاند دیکھنے کیلئے مرکزی رویت ہلال کمیٹی کا اجلاس آج کوئٹہ میں ہوگا
گزشتہ روز ایران میں صدارتی انتخاب کے دوسرے مرحلے کی ووٹنگ رات 12 بجے تک جاری رہی تھی۔
پیزشکیان کو 53.3 فی صد اور سعید جلیلی کو 44.3 فی صد ووٹ پڑے، 28 جون کو انتخابات میں کوئی بھی امیدوار مطلوبہ 50 فی صد ووٹ حاصل نہیں کر سکا تھا، اور 40 فی صد ووٹروں کا ٹرن آؤٹ تاریخی طور پر کم رہا تھا، جس کے بعد گزشتہ روز جمعہ کو رن آف مقابلہ کیا گیا۔ جس میں الیکشن کمیشن نے جلیلی کے 13.5 ملین ووٹوں کے مقابل پیزشکیان کو 16.3 ملین ووٹوں کے ساتھ فاتح قرار دے دیا۔
