کس گدھے کو خوبصورت قرار دیا گیا دلچسپ مقابلہ حسن
دنیا کے مختلف ممالک میں ملکہ حسن کے مقابلوں کا انعقاد تو ایک عام سی بات ہے لیکن اس کے علاوہ لوگ اپنے پالتو جانوروں کیلئے بھی ایسا ہی مقابلہ منعقد کرواتے ہیں۔
ایسا ہی دلچسپ مقابلہ مراکش میں بھی منعقد کیا گیا جی ہاں، یہاں ہر سال گدھوں کے درمیان مقابلہ حسن رکھا جاتا ہے جہاں سب سے زیادہ منفرد اور خوبصورت دکھائی دینے والے گدھے کو پہلے انعام کا حقدار قرار دیا گیا۔
غیر ملکی خبر رساں ادارے کی رپورٹ کے مطابق مراکش کے اس منفرد تہوار کو سرکاری طور پر "فیسٹ پاز” کہا جاتا ہے "سوسائٹی فار اینیمل ویلفیئر اینڈ کنزرویشن آف نیچرل انوائرمنٹ” کے زیر اہتمام گدھوں اور خچروں سمیت گھریلو جانوروں کے فائدے کے لیے ایک ویٹرنری آگاہی مہم چلائی جاتی ہے۔
مراکش میں بنی عمار کے تاریخی قصبہ میں "گدھے کارنیول” کی سرگرمیاں منعقد ہوئیں، یہاں سب سے خوبصورت گدھوں کا مقابلہ ہوا اس موقع پر گدھوں کے درمیان ریس بھی منعقد کی گئی۔
غزہ پٹی میں ہونے والے دھماکے میں 4 اسرائیلی فوجی اہلکار جہنم واصل ہوگئے
فاتح گدھے کے 26 سالہ مالک عبدالجلیل نے کہا کہ یہ ایک محنتی جانور ہے ان کی بقا کیلئے ہم سب کو ان کی دیکھ بھال کرنی چاہیے۔
دنیا کے مختلف ممالک میں لفظ گدھے کا استعمال نااہل اور ذہانت کی کمی کے طور پر کیا جاتا ہے حالانکہ یہ محض اور غلط العام لفظ ہے لیکن بنی عمار زرہون کے مکین گدھوں کو مقامی معیشت میں ایک ناگزیر اثاثہ سمجھتے ہیں
