نیوزی لینڈ کرکٹ بورڈ نے پاکستان کے دورے کے لئے ٹیم کے کھلاڑیوں کے ناموں کا اعلان کر دیا
نیوزی لینڈ نے پاکستان کے دورے کے لیے 15 رکنی ٹی ٹونٹی اسکواڈ کا اعلان کیا ہے، جس کی قیادت مائیکل بریسویل کریں گے۔ اہم کھلاڑیوں میں فن ایلن، مارک چیپمین، اور جوش کلارکسن شامل ہیں، جمی نیشم، ٹم سائفرٹ، اور اش سودھی بھی کیوی ٹیم کا حصہ ہوں گے۔
نیوزی لینڈ کے 9 کھلاڑی آئی پی ایل اور ایک کاؤنٹی کے وجہ سے دستیاب نہیں ہیں۔ ٹرینٹ بولٹ، ڈیون کانوے، لوکی فرگوسن، میٹ ہینری، اور ڈیرل مچل آئی پی ایل میں مصروف ہیں۔ نیوزی لینڈ کرکٹ کے مطابق گلین فلپس، رچن روندرا، کین ولیمسن، اور مچل سینٹنر بھی آئی پی ایل کھیل رہے ہیں، ول ینگ کاؤنٹی کھیل رہے ہیں، جبکہ ٹام لیتھم گھریلوں مصروفیات کی وجہ سے دستیاب نہیں ہیں۔ ٹم ساؤتھی کو ورک لوڈ مینجمنٹ کے تحت دورہ پاکستان کے لیے آرام دیا گیا ہے۔
پاکستان اور نیوزی لینڈ کے درمیان پانچ ٹی ٹوئنٹی میچز کی سیریز 18 اپریل سے شروع ہوگی، اور نیوزی لینڈ کرکٹ ٹیم 12 اپریل کو پاکستان کے لیے روانہ ہوگی۔
