کراچی میں فراڈیا ونگ کمانڈر کہ کر تین مالدار خواتین سے شادی کرنے والا گرفتار
کراچی: پولیس نے سعدی ٹاؤن میں کارروائی کرتے ہوئے جعلی ونگ کمانڈر فراڈیے کو گرفتار کرلیا۔ ونگ کمانڈر کے طور پر ظاہر ہونے والے ملزم ذیشان کو شہریوں سے کروڑوں روپے کے فراڈ میں ملوث بتایا جا رہا ہے۔ انہیں تین شادیاں کرنے کا الزام بھی ہے۔
پولیس نے بتایا کہ ملزم کے خلاف تھانہ زمان ٹاؤن میں دھوکا دہی اور فراڈ کا مقدمہ درج ہوا ہے۔ ملزم سے سرکاری اداروں کے ٹھیکے دلوانے کی جعلی دستاویزات بھی برآمد ہوئی ہیں۔
پولیس کے مطابق، ملزم مالدار خواتین کو بہلا پھسلا کر شادی کرکے کروڑوں روپے ہتھیا چکا ہے، اور شہریوں کو سرکاری ٹھیکے دلوانے کا لالچ دے کر کروڑوں روپے کا فراڈ کیا ہے۔
