کیا شین واٹسن پاکستان کرکٹ تاریخ کے سب سے مہنگے ہیڈ کوچ بنیں گے؟
پی سی بی قومی کرکٹ ٹیم کے لیے ہیڈ کوچ کی تلاش میں ہے اور سابق آسٹریلین کرکٹر شین واٹسن کو انتہائی بھاری معاوضے کی پیشکش کی گئی ہے۔
پاکستان کرکٹ ٹیم کی بین الاقوامی مصروفیات اگلے ماہ اپریل میں نیوزی لینڈ کے خلاف ٹی ٹوئنٹی ہوم سیریز کے ساتھ شروع ہو رہی ہے۔ اس کے بعد قومی ٹیم نے آئرلینڈ اور انگلینڈ کے ساتھ بھی سیریز کھیلنے کا ارادہ کیا ہے، اور اس کے بعد امریکا اور ویسٹ انڈیز میں منعقد ہونے والے آئی سی سی ون ڈے ورلڈ کپ میں شرکت کرنی ہے۔
پاکستان کرکٹ بورڈ قومی ٹیم کے لیے ہیڈ کوچ کی تلاش میں ہے اور اس کے لیے پی ایس ایل میں کوئٹہ گلیڈیئٹر کے ہیڈ کوچ سابق آسٹریلین کرکٹر شین واٹسن کو اس عہدے کی پیشکش کی گئی ہے۔
ذرائع کے مطابق، پی سی بی اور شین واٹسن کے درمیان مذاکرات جاری ہیں اور بورڈ کی جانب سے انہیں سالانہ 20 لاکھ ڈالر (تقریباً ماہانہ 4 کروڑ 60 لاکھ روپے) کی پیشکش کی گئی ہے، جو پاکستان کرکٹ کی تاریخ میں اب تک سب سے بڑا معاوضہ ہوگا۔
آسٹریلوی وکٹ کیپر بیٹر میتھیو ویڈ نے ریڈ بال کرکٹ سے ریٹائرمنٹ کا اعلان کیا۔
